من طرف RoOode الثلاثاء سبتمبر 29, 2009 4:13 am
الحيا شي مطلووب ..
والحيا من شعب الايماان ..
عشان كذا لازم يكون من اهم صفاتنا مو فشي وشي لأ
ولازم قبل كل شي نستحي من الله اللي فكل وقت يشوفنا
انا اللي صايره اشوفو فالايام دي
انو الكل صار يستحي ويمثل الحيا فكل حاجه الا الله مانستحي منو
صرنا نرفع اصواتنا ع امهاتنا ونقول اوف ومانستحي لا من امنا ولا من الله
صرنا نأخر الصلااااااه عن وقتها ومانستحي من الله اللي جالس يشوفنا
والله لو كان موعد مانقدر نأخرو حنقوول عيييييب ادينا كلمه وحنستحي لو تأخرنا
الوحده فينا تدخل المطبخ وتطبخ وتكمل وتروح تصلي بدون ماتغير ملابسها تقول خلاص بعدين مره وحده
طيب ماتستحي من الله تقابليه وانتي كدا ؟؟؟
والله لو وحده من صحباتك جايتك راح تلبسي احسن لبس وحتتعطري من اغلى العطور
قوليلها اطلعي بملابسك اللي كنتي تطبخي فيها زي مانتي وشوفي ايش حتقولك
حتقول لا عيب استحي !!! طيب وربك اللي تقابليه كدا ماستحيتي منو ؟؟؟؟
طبعاً ماتستحي ..!!!
_0_0_0_0
العاااااااااااالم اللي تجلس ع الشااات والماسنجر
شبااااب يكلمو بنااات ووبنات يكلمو شباااب
وكلاااااااام الحب والغززل واللي يسب واللي يشتم والي يمدح واللي يوصف
وماتحلا الجلسه الا بعد 12 بالليل
ووقت نزول ربنا لسابع سماا
ماتستحي من الله وهوا يشووفك وانتا تقول الكلام دا
طبعاً ماتستحي ..!!
_0_0_0_0_0
واللي تطلع من غيير ماهلها يدرو عنهااا تقولهم
رايحه عند صحبتي ولا اي شي ووهما ياعيني يصدقوها
وتجيك تاني يووم وهيا فرحااااااااانه وتقولها بالفم الملياان
والله امس طلعت مع حبيبي ومحد دري عني
وربك ياامجنونه مادري عنك !!!!!!!!!!!!!
مااستحيتي منووووووو !!!!!!!!!
طبعاً ماتستحي ..!!
_0_0_0_0_0_0
والعاااالم التانيه اللي فالبالتوك والفيس بوك والنت لوق وغيرو وغيرو
وتعرض صورها بدون حيا ولا خوف من الله لا وياليتها محشمه
و اكثرها بربع لبس اذا مو اقل
ماتستحي من الله اللي اداك النعمه دي وقادر ياخدها ؟؟؟
وانتي تستخدميها لأغراض تسود الوجه !!!!
طبعاً ماتستحي ..!!
_0_0_0_0_0_0_0_0
والللي يسرقو واللي يدخنوو واللي واللي واللي
البلااااااوي كثييييره
وفالاخير تجو تقووولو ياهوووووو محد يدري
تقوولوها بدوون حياااااا ولاخوف من الي خلقكم ..!!!
طبعاً ماتستحي ..!!!
_0_0_0_0_0_0
والناااس الللي تسااافر
وتقوولك سفرة عمل
وتروح آآآخر الدونيا عشان ماتلقى احد يعرفها ويشوفها
سواءً بنت ولا ولد
وتفلها رقص وخمرر و و و
وترووح هناااااااك الملاهي الليليه وكل مكان
وتقوولك ونااااااااسه مافي احد وبسوي اللي ابغاه
يعني اذا رحت بعيد ربي ماحيشووفك وربي بس مكان مانتا عايش ؟؟
ولا انتا ع بلاااااطه كذا ماتسحتي ..؟؟؟
طبعاً ماتستحي ..!!
_0_0_0_0_0
انا مني عارفه ايش فايده الاعلام والتطور والتدريس اللي فالمدارس نتعلمو من اولى ابتدائي
دام لسااا في عقوول تافهه زي كذا
لاتقولولي مرااهقه كلنااااااا مراهقين ومانسوي الاشياء هدي
المشكله فالعقل والتربيه والخووووف من الله بس
وطبعا مافي احد كامل الا الله
ترى الحيا والله شي حلوو
مايحس فيه الا اللي من جد يستحي من الله ...
_______________________
أقبل رجل إلى إبراهيم بن أدهم .. فقال :
يا شيخ .. إن نفسي .. تدفعني إلى المعاصي .. فعظني موعظة!
فقال له إبراهيم :
إذا دعتك نفسك إلى معصية الله فاعصه .. ولا بأس عليك ..
ولكن لي إليك خمسة شروطقال الرجل :
هاتها!
قال إبراهيم :
إذا أردت أن تعصي الله فاختبئ في مكان لا يراك الله فيه!
فقال الرجل :
سبحان الله ..كيف أختفي عنه ..وهو لا تخفى عليه خافية!فقال إبراهيم :
سبحان الله .. أما تستحي أن تعصي الله وهو يراك .. فسكت الرجل ..
ثم قال :
زدني!
فقال إبراهيم : إذا أردت أن تعصي الله .. فلا تعصه فوق أرضه
فقال الرجل :
سبحان الله .. وأينأذهب .. وكل ما في الكون له!
فقال إبراهيم :
أما تستحي أنتعصي الله .. وتسكن فوق أرضه ؟
مني عارفه ايش اقول اكتر
بس ان شاء الله اكون وصلت الكلام
بطريقه خفيفه .. ونستفيد كلنا منو
... سبحانك اللهم وبحمدك استغفرك واتوب اليك ...
الموووضووع بقلمـــــــي ..
